21 лютага - Дзень роднай мовы
З раніцы гучала ў школе мілагучная беларуская мова. Настаўнікі беларускай мовы і літаратуры падрыхтавалі для вучняў гульні, віктарыны, конкурсы чытачоў, алімпіяды, у якіх з задавальненнем і інтарэсам прымалі удзел усе жадаючыя. Класныя кіраўнікі таксама далучыліся да святкавання Міжнароднага свята і стварылі з дзецьмі цудоўныя калажы "Маё любімае беларускае слова", "Шануйце родную мову", арганізавалі выставу "Беларускі сувенір". Вучаніцы 8 класа падарылі кожнаму маленькае сонейка-усмешку – сімвал шчырай любові да роднага слова. У бібліятэцы разгарнулася кніжная выстава "Чытай на роднай мове", вучні і настаўнікі пазнаёміліся з новымі творамі на беларускай мове і, канешне, успомнілі дарагія сэрцу радкі Янкі Купалы, Якуба Коласа, Максіма Багдановіча, Васіля Быкава, Івана Мележа.
